गणपति अथर्वशीर्ष

गणपति अथर्वशीर्ष अथर्ववेद परंपरा का एक अत्यंत पवित्र उपनिषद है, जो भगवान गणेश को केवल विघ्नहर्ता ही नहीं, अपितु साक्षात् परब्रह्म के रूप में प्रतिष्ठित करता है — सृष्टि के उत्पत्ति, स्थिति और लय का मूल कारण। श्रद्धापूर्वक इसका पाठ करने वाले साधक को बुद्धि, साहस, समृद्धि और निर्भयता प्राप्त होती है।

ॐ भद्रं कर्णेभिः शृणुयाम देवाः। भद्रं पश्येमाक्षभिर्यजत्राः। स्थिरैरङ्गैस्तुष्टुवाग्ंसस्तनूभिः। व्यशेम देवहितं यदायुः। स्वस्ति न इन्द्रो वृद्धश्रवाः। स्वस्ति नः पूषा विश्ववेदाः। स्वस्ति नस्तार्क्ष्यो अरिष्टनेमिः। स्वस्ति नो बृहस्पतिर्दधातु। ॐ शान्तिः शान्तिः शान्तिः।

ॐ नमस्ते गणपतये। त्वमेव प्रत्यक्षं तत्त्वमसि। त्वमेव केवलं कर्तासि। त्वमेव केवलं धर्तासि। त्वमेव केवलं हर्तासि। त्वमेव सर्वं खल्विदं ब्रह्मासि। त्वं साक्षादात्मासि नित्यम्।

ऋतं वच्मि। सत्यं वच्मि।

अव त्वं माम्। अव वक्तारम्। अव श्रोतारम्। अव दातारम्। अव धातारम्। अवानूचानमव शिष्यम्। अव पश्चात्तात्। अव पुरस्तात्। अवोत्तरात्तात्। अव दक्षिणात्तात्। अव चोर्ध्वात्तात्। अवाधरात्तात्। सर्वतो मां पाहि पाहि समन्तात्।

त्वं वाङ्मयस्त्वं चिन्मयः। त्वमानन्दमयस्त्वं ब्रह्ममयः। त्वं सच्चिदानन्दाद्वितीयोऽसि। त्वं प्रत्यक्षं ब्रह्मासि। त्वं ज्ञानमयो विज्ञानमयोऽसि।

सर्वं जगदिदं त्वत्तो जायते। सर्वं जगदिदं त्वत्तस्तिष्ठति। सर्वं जगदिदं त्वयि लयमेष्यति। सर्वं जगदिदं त्वयि प्रत्येति। त्वं भूमिरापोऽनलोऽनिलो नभः। त्वं चत्वारि वाक्पदानि।

त्वं गुणत्रयातीतः। त्वं अवस्थात्रयातीतः। त्वं देहत्रयातीतः। त्वं कालत्रयातीतः। त्वं मूलाधारस्थितोऽसि नित्यम्। त्वं शक्तित्रयात्मकः। त्वां योगिनो ध्यायन्ति नित्यम्। त्वं ब्रह्मा त्वं विष्णुस्त्वं रुद्रस्त्वमिन्द्रस्त्वमग्निस्त्वं वायुस्त्वं सूर्यस्त्वं चन्द्रमास्त्वं ब्रह्मभूर्भुवःस्वरोम्।

गणादिं पूर्वमुच्चार्य वर्णादिं तदनन्तरम्। अनुस्वारः परतरः। अर्धेन्दुलसितम्। तारेण ऋद्धं। एतत्तव मनुस्वरूपम्। गकारः पूर्वरूपम्। अकारो मध्यमरूपम्। अनुस्वारश्चान्त्यरूपम्। बिन्दुरुत्तररूपम्। नादः संधानम्। संहिता संधिः। सैषा गणेशविद्या। गणकऋषिः। निचृद्गायत्रीच्छन्दः। गणपतिर्देवता। ॐ गं गणपतये नमः।

एकदन्ताय विद्महे। वक्रतुण्डाय धीमहि। तन्नो दन्तिः प्रचोदयात्।

एकदन्तं चतुर्हस्तं पाशमङ्कुशधारिणम्। रदं च वरदं हस्तैर्बिभ्राणं मूषकध्वजम्। रक्तं लम्बोदरं शूर्पकर्णकं रक्तवाससम्। रक्तगन्धानुलिप्ताङ्गं रक्तपुष्पैः सुपूजितम्। भक्तानुकम्पिनं देवं जगत्कारणमच्युतम्। आविर्भूतं च सृष्ट्यादौ प्रकृतेः पुरुषात्परम्। एवं ध्यायति यो नित्यं स योगी योगिनां वरः।

नमो व्रातपतये। नमो गणपतये। नमः प्रमथपतये। नमस्तेऽस्तु लम्बोदरायैकदन्ताय विघ्ननाशिने शिवसुताय वरदमूर्तये नमः।

एतदथर्वशीर्षं योऽधीते। स ब्रह्मभूयाय कल्पते। स सर्वविघ्नैर्न बाध्यते। स सर्वतः सुखमेधते। स पञ्चमहापापात्प्रमुच्यते। सायमधीयानो दिवसकृतं पापं नाशयति। प्रातरधीयानो रात्रिकृतं पापं नाशयति। सायं प्रातः प्रयुञ्जानोऽपापो भवति। सर्वत्राधीयानोऽपविघ्नो भवति। धर्मार्थकाममोक्षं च विन्दति। इदमथर्वशीर्षमशिष्याय न देयम्। यो यदि मोहाद्दास्यति स पापीयान् भवति। सहस्रावर्तनात्। यं यं काममधीते तं तमनेन साधयेत्।

अनेन गणपतिमभिषिञ्चति। स वाग्मी भवति। चतुर्थ्यामनश्नन् जपति। स विद्यावान् भवति। इत्यथर्वणवाक्यम्। ब्रह्माद्याचरणं विद्यात्। न बिभेति कदाचनेति।

यो दूर्वाङ्कुरैर्यजति स वैश्रवणोपमो भवति। यो लाजैर्यजति स यशोवान् भवति। स मेधावान् भवति। यो मोदकसहस्रेण यजति स वाञ्छितफलमवाप्नोति। यः साज्यसमिद्भिर्यजति स सर्वं लभते सः सर्वं लभते।

अष्टौ ब्राह्मणान् सम्यग् ग्राहयित्वा सूर्यवर्चस्वी भवति। सूर्यग्रहे महानद्यां प्रतिमासंनिधौ वा जप्त्वा सिद्धमन्त्रो भवति। महाविघ्नात्प्रमुच्यते। महादोषात्प्रमुच्यते। महापापात्प्रमुच्यते। स सर्वविद्भवति। स सर्वविद्भवति। य एवं वेद इत्युपनिषत्।

ॐ सह नाववतु। सह नौ भुनक्तु। सह वीर्यं करवावहै। तेजस्विनावधीतमस्तु मा विद्विषावहै। ॐ शान्तिः शान्तिः शान्तिः।

प्रारंभिक शांति मंत्र में प्रार्थना है कि हम अपने कानों से शुभ सुनें, आँखों से शुभ देखें, और स्थिर अंगों के साथ देवताओं द्वारा नियत आयु को पूर्ण करें। इंद्र, पूषा, गरुड़ और बृहस्पति हमारा कल्याण करें।

तत्पश्चात गणपति को साक्षात् तत्त्व, अकेले कर्ता, धर्ता और हर्ता, और अंततः इस समस्त जगत् को व्याप्त करने वाला ब्रह्म ही घोषित किया गया है — नित्य साक्षात् आत्मा। ऋषि स्वयं को सत्य और ऋत कहने वाला बताते हुए गणपति से हर दिशा से रक्षा की प्रार्थना करते हैं — स्वयं की, वक्ता की, श्रोता की, गुरु की, शिष्य की।

गणपति को वाङ्मय, चिन्मय, आनंदमय, ब्रह्ममय, सच्चिदानंद-अद्वितीय कहा गया है। वे तीनों गुणों, तीनों अवस्थाओं, तीनों देहों और तीनों कालों से परे, मूलाधार चक्र में सदा स्थित, तीन शक्तियों के स्वरूप हैं। योगीजन उन्हें सदा ध्याते हैं; वे ही ब्रह्मा, विष्णु, रुद्र, इंद्र, अग्नि, वायु, सूर्य और चंद्रमा हैं।

तदुपरांत "गं" बीजाक्षर की रहस्यमयी रचना समझाई गई है, फिर गणेश गायत्री दी गई है — "हम एकदंत को जानते हैं, वक्रतुंड का ध्यान करते हैं, वह दंती हमें प्रेरित करें।" उनके स्वरूप का वर्णन है — एक दांत, चार भुजाएँ, पाश, अंकुश, टूटा दांत और वरमुद्रा धारण किए, रक्तवर्ण, लंबोदर, सूप जैसे कान, रक्तवस्त्र, लाल चंदन और लाल पुष्पों से पूजित — भक्तवत्सल, जगत्कारण, अच्युत, सृष्टि के आरंभ में ही प्रकट, प्रकृति-पुरुष से परे।

अंतिम भाग में पाठ के फल बताए गए हैं — जो इस अथर्वशीर्ष का अध्ययन करता है, वह ब्रह्मभाव को प्राप्त होता है, किसी विघ्न से बाधित नहीं होता, सर्वत्र सुख पाता है और पंचमहापापों से मुक्त होता है। सायंकाल पाठ करने से दिन के पाप नष्ट होते हैं, प्रातःकाल पाठ करने से रात्रि के पाप नष्ट होते हैं, और नियमित पाठ से धर्म, अर्थ, काम और मोक्ष — चारों की प्राप्ति होती है। दूर्वा, लावा, सहस्र मोदक तथा घृतयुक्त समिधा से यजन करने पर क्रमशः धन, यश, बुद्धि और मनोवांछित फल की प्राप्ति बताई गई है।