हनुमान चालीसा

श्रीगुरु चरन सरोज रज, निज मनु मुकुरु सुधारि। बरनउँ रघुबर बिमल जसु, जो दायकु फल चारि॥

śrīguru charana saroja raja, nija manu mukuru sudhāri · baranaũ raghubara bimala jasu, jo dāyaku phala chāri

श्रीगुरु के चरण-कमलों की रज से अपने मन रूपी दर्पण को स्वच्छ करके, मैं श्री रघुवर (राम) के उस निर्मल यश का वर्णन करता हूँ जो चारों फल (धर्म, अर्थ, काम, मोक्ष) देने वाला है।

बुद्धिहीन तनु जानिके, सुमिरौं पवन कुमार। बल बुधि बिद्या देहु मोहिं, हरहु कलेस बिकार॥

buddhihīna tanu jānike, sumirаũ pavana kumāra · bala budhi bidyā dehu mohĩ, harahu kalesa bikāra

अपने शरीर को बुद्धिहीन जानकर मैं पवन-कुमार का स्मरण करता हूँ। मुझे बल, बुद्धि और विद्या दीजिए तथा मेरे क्लेश और विकार हर लीजिए।

जय हनुमान ज्ञान गुन सागर। जय कपीस तिहुँ लोक उजागर॥

jaya hanumāna gyāna guna sāgara · jaya kapīsa tihũ loka ujāgara

ज्ञान और गुण के सागर श्री हनुमान की जय हो! तीनों लोकों को प्रकाशित करने वाले कपीश्वर की जय हो!

राम दूत अतुलित बल धामा। अंजनि पुत्र पवनसुत नामा॥

rāma dūta atulita bala dhāmā · anjani putra pavanasuta nāmā

आप श्रीराम के दूत और अतुलनीय बल के धाम हैं; आप अंजनी-पुत्र और पवनसुत नाम से विख्यात हैं।

महाबीर बिक्रम बजरंगी। कुमति निवार सुमति के संगी॥

mahābīra bikrama bajarangī · kumati nivāra sumati ke sangī

हे महावीर! हे वज्र के समान अंगों वाले पराक्रमी! आप कुबुद्धि को दूर करते हैं और सद्बुद्धि वालों के साथी हैं।

कंचन बरन बिराज सुबेसा। कानन कुंडल कुंचित केसा॥

kanchana barana birāja subesā · kānana kundala kunchita kesā

आपका वर्ण सोने जैसा है और आप सुंदर वेश में सुशोभित हैं; कानों में कुंडल और घुँघराले केश हैं।

हाथ बज्र औ ध्वजा बिराजै। काँधे मूँज जनेऊ साजै॥

hātha bajra au dhvajā birājai · kā̃dhe mū̃ja janeū sājai

आपके हाथ में वज्र (गदा) और ध्वजा सुशोभित है, और कंधे पर मूँज का जनेऊ शोभा देता है।

संकर सुवन केसरीनंदन। तेज प्रताप महा जग बंदन॥

sankara suvana kesarīnandana · teja pratāpa mahā jaga bandana

हे शंकर के अंश! हे केसरीनंदन! आपका तेज और प्रताप महान है और समस्त जगत आपकी वंदना करता है।

बिद्यावान गुनी अति चातुर। राम काज करिबे को आतुर॥

bidyāvāna gunī ati chātura · rāma kāja karibe ko ātura

आप विद्यावान, गुणवान और अत्यंत चतुर हैं; श्रीराम का कार्य करने के लिए सदा आतुर रहते हैं।

प्रभु चरित्र सुनिबे को रसिया। राम लखन सीता मन बसिया॥

prabhu charitra sunibe ko rasiyā · rāma lakhana sītā mana basiyā

आप प्रभु की लीला सुनने में आनंद लेते हैं; राम, लक्ष्मण और सीता आपके मन में बसते हैं।

सूक्ष्म रूप धरि सियहिं दिखावा। बिकट रूप धरि लंक जरावा॥

sūkṣma rūpa dhari siyahĩ dikhāvā · bikaṭa rūpa dhari lanka jarāvā

सूक्ष्म रूप धारण कर आपने सीता को दर्शन दिया, और विकराल रूप धारण कर लंका को जला दिया।

भीम रूप धरि असुर सँहारे। रामचंद्र के काज सँवारे॥

bhīma rūpa dhari asura sã̃hāre · rāmachandra ke kāja sã̃vāre

भयंकर रूप धारण कर आपने असुरों का संहार किया और श्री रामचंद्र के सब कार्य सँवार दिए।

लाय सजीवन लखन जियाये। श्रीरघुबीर हरषि उर लाये॥

lāya sajīvana lakhana jiyāye · śrīraghubīra haraṣi ura lāye

संजीवनी बूटी लाकर आपने लक्ष्मण को जिला दिया; श्री रघुवीर ने प्रसन्न होकर आपको हृदय से लगा लिया।

रघुपति कीन्ही बहुत बड़ाई। तुम मम प्रिय भरतहि सम भाई॥

raghupati kīnhī bahuta baṛāī · tuma mama priya bharatahi sama bhāī

रघुपति ने आपकी बहुत प्रशंसा की और कहा — तुम मुझे भरत के समान प्रिय भाई हो।

सहस बदन तुम्हरो जस गावैं। अस कहि श्रीपति कंठ लगावैं॥

sahasa badana tumharo jasa gāvaĩ · asa kahi śrīpati kaṇṭha lagāvaĩ

“सहस्र मुख (शेषनाग) आपका यश गाते हैं” — ऐसा कहकर श्रीपति ने आपको कंठ से लगा लिया।

सनकादिक ब्रह्मादि मुनीसा। नारद सारद सहित अहीसा॥

sanakādika brahmādi munīsā · nārada sārada sahita ahīsā

सनक आदि ऋषि, ब्रह्मा आदि मुनीश्वर, नारद, सरस्वती और शेषनाग सहित —

जम कुबेर दिगपाल जहाँ ते। कबि कोबिद कहि सके कहाँ ते॥

jama kubera digapāla jahā̃ te · kabi kobida kahi sake kahā̃ te

यमराज, कुबेर और दिक्पाल भी — फिर कवि और विद्वान आपका यश कहाँ तक कह सकते हैं?

तुम उपकार सुग्रीवहिं कीन्हा। राम मिलाय राज पद दीन्हा॥

tuma upakāra sugrīvahĩ kīnhā · rāma milāya rāja pada dīnhā

आपने सुग्रीव पर उपकार किया — उन्हें श्रीराम से मिलाकर राजपद दिलाया।

तुम्हरो मंत्र बिभीषन माना। लंकेस्वर भए सब जग जाना॥

tumharo mantra bibhīṣana mānā · lankeśvara bhae saba jaga jānā

आपके मंत्र (सलाह) को विभीषण ने माना और वे लंका के स्वामी बने, यह सारा जगत जानता है।

जुग सहस्र जोजन पर भानू। लील्यो ताहि मधुर फल जानू॥

juga sahasra jojana para bhānū · līlyo tāhi madhura phala jānū

जो सूर्य युगों-सहस्र योजन की दूरी पर था, उसे आपने मीठा फल समझकर निगल लिया।

प्रभु मुद्रिका मेलि मुख माहीं। जलधि लाँघि गये अचरज नाहीं॥

prabhu mudrikā meli mukha māhī̃ · jaladhi lā̃ghi gaye acharaja nāhī̃

प्रभु की अँगूठी मुख में रखकर आप समुद्र लाँघ गए, इसमें कोई आश्चर्य नहीं।

दुर्गम काज जगत के जेते। सुगम अनुग्रह तुम्हरे तेते॥

durgama kāja jagata ke jete · sugama anugraha tumhare tete

संसार के जितने भी कठिन कार्य हैं, वे सब आपकी कृपा से सहज हो जाते हैं।

राम दुआरे तुम रखवारे। होत न आज्ञा बिनु पैसारे॥

rāma duāre tuma rakhavāre · hota na āgyā binu paisāre

आप श्रीराम के द्वार के रक्षक हैं; आपकी आज्ञा के बिना वहाँ किसी का प्रवेश नहीं होता।

सब सुख लहै तुम्हारी सरना। तुम रच्छक काहू को डर ना॥

saba sukha lahai tumhārī saranā · tuma rachchhaka kāhū ko ḍara nā

आपकी शरण में सब सुख प्राप्त होते हैं; जब आप रक्षक हैं तो किसी का भय नहीं रहता।

आपन तेज सम्हारो आपै। तीनों लोक हाँक तें काँपै॥

āpana teja samhāro āpai · tīnõ loka hā̃ka tẽ kā̃pai

अपने तेज को आप ही सँभाल सकते हैं; आपकी हुँकार से तीनों लोक काँप उठते हैं।

भूत पिसाच निकट नहिं आवै। महाबीर जब नाम सुनावै॥

bhūta pisācha nikaṭa nahĩ āvai · mahābīra jaba nāma sunāvai

हे महावीर! जब कोई आपका नाम सुनाता है, तो भूत-पिशाच पास नहीं आते।

नासै रोग हरै सब पीरा। जपत निरंतर हनुमत बीरा॥

nāsai roga harai saba pīrā · japata nirantara hanumata bīrā

वीर हनुमान का निरंतर जप करने से रोग नष्ट होते हैं और सब पीड़ाएँ दूर हो जाती हैं।

संकट तें हनुमान छुड़ावै। मन क्रम बचन ध्यान जो लावै॥

sankaṭa tẽ hanumāna chhuṛāvai · mana krama bachana dhyāna jo lāvai

जो मन, कर्म और वचन से हनुमान का ध्यान करता है, उसे वे संकट से छुड़ा देते हैं।

सब पर राम तपस्वी राजा। तिन के काज सकल तुम साजा॥

saba para rāma tapasvī rājā · tina ke kāja sakala tuma sājā

तपस्वी राजा श्रीराम सबके ऊपर हैं, और उनके समस्त कार्यों को आपने सिद्ध किया।

और मनोरथ जो कोई लावै। सोइ अमित जीवन फल पावै॥

aura manoratha jo koī lāvai · soi amita jīvana phala pāvai

जो कोई भी मनोकामना लेकर आता है, वह जीवन का असीम फल पाता है।

चारों जुग परताप तुम्हारा। है परसिद्ध जगत उजियारा॥

chārõ juga paratāpa tumhārā · hai parasiddha jagata ujiyārā

चारों युगों में आपका प्रताप विख्यात है; आपका प्रकाश समस्त जगत में प्रसिद्ध है।

साधु संत के तुम रखवारे। असुर निकंदन राम दुलारे॥

sādhu santa ke tuma rakhavāre · asura nikandana rāma dulāre

आप साधु-संतों के रक्षक, असुरों के संहारक और श्रीराम के दुलारे हैं।

अष्ट सिद्धि नौ निधि के दाता। अस बर दीन्ह जानकी माता॥

aṣṭa siddhi nau nidhi ke dātā · asa bara dīnha jānakī mātā

आप आठ सिद्धियों और नौ निधियों के दाता हैं — ऐसा वरदान माता जानकी ने आपको दिया।

राम रसायन तुम्हरे पासा। सदा रहो रघुपति के दासा॥

rāma rasāyana tumhare pāsā · sadā raho raghupati ke dāsā

राम-भक्ति रूपी रसायन आपके पास है; आप सदा रघुपति के दास बने रहें।

तुम्हरे भजन राम को पावै। जनम जनम के दुख बिसरावै॥

tumhare bhajana rāma ko pāvai · janama janama ke dukha bisarāvai

आपके भजन से मनुष्य श्रीराम को पा लेता है और जन्म-जन्म के दुख भूल जाता है।

अंत काल रघुबर पुर जाई। जहाँ जन्म हरिभक्त कहाई॥

anta kāla raghubara pura jāī · jahā̃ janma haribhakta kahāī

अंत समय में मनुष्य रघुवर के धाम को जाता है, जहाँ वह हरि-भक्त कहलाता है।

और देवता चित्त न धरई। हनुमत सेइ सर्ब सुख करई॥

aura devatā chitta na dharaī · hanumata sei sarba sukha karaī

किसी अन्य देवता को मन में धारण करने की आवश्यकता नहीं; हनुमान की सेवा से सब सुख प्राप्त होते हैं।

संकट कटै मिटै सब पीरा। जो सुमिरै हनुमत बलबीरा॥

sankaṭa kaṭai miṭai saba pīrā · jo sumirai hanumata balabīrā

जो बलवीर हनुमान का स्मरण करता है, उसके संकट कट जाते हैं और सब पीड़ाएँ मिट जाती हैं।

जय जय जय हनुमान गोसाईं। कृपा करहु गुरुदेव की नाईं॥

jaya jaya jaya hanumāna gosāī̃ · kṛpā karahu gurudeva kī nāī̃

हे हनुमान गोसाईं! आपकी जय, जय, जय हो! गुरुदेव के समान मुझ पर कृपा कीजिए।

जो सत बार पाठ कर कोई। छूटहि बंदि महा सुख होई॥

jo sata bāra pāṭha kara koī · chhūṭahi bandi mahā sukha hoī

जो कोई इसका सौ बार पाठ करता है, वह बंधन से मुक्त होकर महान सुख पाता है।

जो यह पढ़ै हनुमान चालीसा। होय सिद्धि साखी गौरीसा॥

jo yaha paṛhai hanumāna chālīsā · hoya siddhi sākhī gaurīsā

जो यह हनुमान चालीसा पढ़ता है, उसे सिद्धि प्राप्त होती है — इसके साक्षी स्वयं गौरीपति शिव हैं।

तुलसीदास सदा हरि चेरा। कीजै नाथ हृदय महँ डेरा॥

tulasīdāsa sadā hari cherā · kījai nātha hṛdaya mahã ḍerā

तुलसीदास सदा श्रीहरि के सेवक हैं; हे नाथ! आप मेरे हृदय में निवास कीजिए।

पवनतनय संकट हरन, मंगल मूरति रूप। राम लखन सीता सहित, हृदय बसहु सुर भूप॥

pavanatanaya sankaṭa harana, mangala mūrati rūpa · rāma lakhana sītā sahita, hṛdaya basahu sura bhūpa

हे पवनपुत्र, संकट हरने वाले, मंगलमूर्ति स्वरूप! हे देवों के राजा! राम, लक्ष्मण और सीता सहित मेरे हृदय में निवास कीजिए।